تخيلتك هنا جنبي قريـب وماسـك ايدينـي
تمرر يدّك بشعري تهـدي بقلبـي روعاتـه
تقول انسى ولاشي صار تهديني وتواسينـي
وتحضن قلبـي بقلبـك وتسمـع كـل أناتـه
حبيبي والله مشتاق لغـلاك بكـل عناوينـي
تراك انتَ علي غالي غـلاة البحـر داناتـه
حبيبي شوفها عيونـي تـرى ملـت تبكينـي
وانـا مليـت ابكيهـا وقلبـي حـن لسكاتـه
تعب يركض ورى اسراب الوهم والهم كاويني
تعب ينطر يجي يوم ٍ تـداوي كـل علاتـه
أخيرا يا بعد عمري أخيرا يـا نظـر عينـي
أبحضن كفك بقلبي واعوضـه كـل مافاتـه
حبيب أعماقـي (.......) أمانـه لا تخلينـي
أمانه خلك بجنبي يا روض العمـر وجناتـه
وفجأة سالت الدمعـة وحرارتهـا تصحينـي
ولقيت اني على فراشي أحضن من وساداتـه
عرفت انك تركت القلب ولا انتَ سائل ٍفينـي
وكل اللي تخيلتـه هـوس قلبـي وخيالاتـه
قتلت الروح في صدري ذبحت الحب بسنينـي
خلقت بصدق احساسي حزن عمري ووناتـه
الجنس
عدد المشاركات
نقاط النشاط
تقيمى
عمرى