تسألني احبك!والله عيب عليك
موتدري من اشوفك تضحك عيوني
ومن تبعد عليه ايامي وحشه تصير
والفرحه ابد ماتسكن سنوني
لاتسأل حبيي وانت تعرف زين
صدكني بسؤالك تكثر جنوني
حبيتك ترف والكَلب بيدك صار
بس هسه بكلامك خابت ضنوني
من يوم العرفتك واني مغرم بيك
صرت انت شرابي وانت ماعوني
والناس شكثر عنك حجولي الناس
وعن حبك اتوب وانسه رادوني
وانه بكل دقيقة تمر الك اشتاك
صرت اول حلم بس تغمض جفوني
تجرحني بسؤالك انت رايد ليش
وتضحك علي كل اليكرهوني
ظل للموت احبك وابقى اسولف بيك
وتظل انت حياتي ونور لعيوني
وبعدك مااحب صدكني اي انسان
ولو بينه وبين النار خيرونــــــي
يكولولي ابتعد عنه تراه نساك
عنك ابتعد همــه يريدونــــي
مايدرون عايش بس على ذكراك
وموبس روحي ساكن انت بجفوني
ما راق لي
الجنس
عدد المشاركات
نقاط النشاط
تقيمى
عمرى
