انا سلطان هب موزه >قصه اماراتيه قصيره مضحكه+حزينه T-T

بسم الله الرحمن الرحيم
السلامن عليكم جميعا
اشحالكم الشيوخ كلن بحاله عساكم الا بخير..
اليوم ياي وعندي شي حلو
بس لو سمحتوا اللي بيقرا يكمل لين آخر كلمه
...
هذا هب تيلفون موزه .. انا سلطان<< the movie started
اللي واقف ييلس واللي يالس ينسدح وحطو المكسرات جدامكم واهم شي الحب
والبنات لازم يوفرولهم كلينكس
بداية الفلم
.
.
.
واشقا حالي من صوت ن نعيم
من عقب سمعه عفت لذات المنام
كانت حصه منسدحه فحجرتها تلعب بقصتها وتسرط من الكافي اللي جدامها
والشي الغريب انها كانت " تفكر" كيف تقضي عالملل اللي صايبنها
وفجأه
قالت خلني اتصل ف موزوه >>انسانه فاظيه عاللآخر
قبضت التيلفون بايدها الخايسه وظربت الرقم اللي كانت حافظتنه
توت توت .. توت توت .. توت توت
حصه فخاطرها :وينها هذي ذلتنا
واذا بشخص يرد
المكالمه :
حصه : الو
الشخص : الو
حصه : ها
الشخص الو
حصه : الو
الشخص : ها
حصه : الو ولا ها
"اقتباس من مسرحيه مدرسة المشاغبين بس جلبنا الحوار بالعاميه "
حصه فخاطرها " منو هذا بعد " : الو موزه موجوده ؟
الشخص فخاطره " عوذ بالله قصدي ياويل حالي شو هالصوت الغاوي" : لا هذا هب تيلفون موزه .. انا سلطان ^_^
حصه فخاطرها "لا لا صدق يلا بالبركه.. وانا الخبله مابغيت انسا الرقم الا اليوم ": اسمحلي عيل انا غلطانه مع السلامه
سلطان فخاطره " اففف ليش مستعيله غربلج الله" : مسموحه ... >>ماوحاله يكمل الا وهي راقعه التيلفون عخشمه
سلطان: حشى مستعيله اكييييييد قوم بورصيد خخخخخخ بس صوتها غاااوي الحماره .. وسرح سلطان ف حس حصه اللي سحره
...
وبدون مايحس طرشلها مكتوب
تويت تويت تويت تويت اس ام اس >> رنة المسج
وبكل لقافه فتحت حصه المسج واذا به
بالقلـب مكـانك وعينـي تـرعـاااك ..
و إن زعلـت منـي أجـي لـ رضـاااك ..
مـاعنـدي بهالدنيـا أحـد مثـلك و شـروواك ..
و إن بـاعـووك كـل النـاااس يـالـ غ ــالي
تـرى عمـري يفـداك
اويه هذا نفسه سلطون السخيف >> اللي يقول اصغر عيالها
واستلبست واتروعت
بس قالت
اووه خله يولي وعطته هذاك الطاف
في صباح اليوم الثاني
نشت موزه من رقادها وهي متفيجه من الخاطر وطرشت مسج لربيعتها حصه
صبـــــــــــــــــــ الشوق ـــــــــــــــــاح
من قلب تبســم يوم
"صبــح بـــج"
صبـــــــــــــــــــ الجوري ـــــــــــــــــاح
الناعس على روضة
"غــلا حبـــج"
تويت تويت تويت تويت اس ام اس
حصه : افففففففففف ياربي مايخلون الواحد يتهنى برقاده
وفتحت ربع عينها وقرت المسج وشافت الرقم وقالت اويييه هذا جنه سلطون >> ما مخزنه رقم موزوه لانها حافظتنه ورقم سلطون شراته مع اختلاف بسيط واصلا البنت كانت مغفيه
فردت طرشت مسج : منـــو؟
ردت عليها موزوه المتفيجه واللي مودها مود تلعويز: معجـــب
وفزت حصه وهي متروعه وقالت لاااااا رحنا فيها
اوييييه
اميه بسم الله شو اسوي الحين ؟
وفجت مغارتها واتثاوبت وسرطت قراء القصه: آآآآآآآه احسن شي ارقد ويوم بنش يستوي خير
.....
فمكان ثاني من دبي ( العوير )
نزل سلطان من حجرته وهو تعبان
الاخ مابات الليل من كثر مايفكر بالاخت الموقره " حصه "
وآخر شي استنتج انه اكيد هالانسانه المجهوله مسوتله سوا عسب يحبها
وقال: لالالالا انا لازم اعرف راعية الحنجره الذهبيه
ام سلطان : ويديه يالله بالستر شوفيك تتحرطم من الصبح
سلطان : بسم الله انتي من وين طلعتي
ام سلطان : من بطن امي ههههههه give me 5
سلطان فج حلجه وبقق اعيونه " مثل البقره لي شايفه حريجه" وقال : شو شو شو! عيدي عيدي شو قلتي الشيخه
ابوسلطان : واتس اب مان be co0oL 3La 6o0oL .. يابويه اتطورت العزبه
سلطان : الحمدلله والشكر .. صدق مينن بويه انا ساير عنكم
ام + ابو سلطان : Bye baby
......
يوم الاحد الساعه 10:01
جامعة زايد
موزه وامنه كانن يالسات
وبينما هن يهذربن ولايشوفون غبره
وحد يخمس
وعقب عرفن انها حصه
وصلت بالسلامه وسلمت
وقالت لموزوه :انتي محوله رقمج على منو
موزه: هااا اميييه بسم الله مامحولتنه على حد
حصه: عيل منو اللي رد عليه البارحه ؟ انا احس انه مقلب منج
موزه: حشى عليه .. يمكن انتي مخربطه .. والله شككتيني بعمري.. اشوف هاتي التيلفون
يرت آمنه التيلفون وطلعت الرقم وقالتلها : يالخديه متصله فحد ثاني هذا هب رقم موزوه
شافن موزه وأمنه المسج وقالن: شت شت عذبتي الريال من اول الو خخخخ
ضحكت موزه : كهكهكهكه يالخبله انااللي مطرشه المسج الثاني واستهبلت عليج عقب بس اللي قبل هب انا
حصه : اوه ماي قاد .. وات لازم اسوي؟
الشله : طـــــاف واذا صدعج عطي حد من اخوانج
حصه: اوكي .. الله يستر كل المصايب تطيح عروسنا بسبت موزوه
موزوه: بسكت عنج الحين لاني يوعانه قومو نسير ناكل قبل لا اموت
وسارن يدحن من هالاكل
.....
عقب 3 ايام
العوير بيت بو سلطان
ام سلطان : شوفلك صرفه ويا ولدك
بوسلطان : ليش شو فيه
ام سلطان : ماياكل من 3 ايام
بوسلطان : سيري ازقريه
ام سلطان: مع اني متهايزه بس بسير مافيّه على لسانك
نشت ام سلطان وتمت ترقى ب 3 دجات عسب توصل اسرع و قدرت العيوز توصل بالسلامه
طبعا على طول درعمت وحدرت مول ماتعرف الاتيكيت طاخ >> صوت الباب
سلطان : ها ؟ منو؟ شو استوى ؟ حد فيه شي
ام سلطان وهي تعدل برقعها : ويديه شوفيك متروع
سلطان : انتي حادره بقواتج
ام سلطان: قوم قوم سر اطالع ابوك
سلطان : شو يبا ؟!
ام سلطان: شو بيعرفني يا عمي >> جلبت لبناني
سلطان: انا محد بيخبلبي غيركم
....
نزل سلطان ويا امه وكانو يتسابقون
وبكل تأكيد فازت ام سلطان ما شاء الله عليها لانها انسانه رياضيه
ام سلطان : ويييييييييييو غلبتك ..ههههههاي عسب مره ثانيه ماتتحدى اللي اكبر عنك فهمت يا بابا
سلطان : الحمدلله والشكر ... يأشر عليها ويسأل ابوه : شو فيها هذي ؟
بو سلطان : قري يا حرمه مافينا تكسريلج ظلع ونركضبج عند الدخاتر ..
ام سلطان: مايسوى عليه .. خلاص يلست
بو سلطان : وانته مسود الويه
سلطان : انا غلطان انا لوني بيج خخخخخ
بو سلطان : كركركر تعال قرقطني بشيول
سلطان : علموك تقفط بعد
بو سلطان : خل عنك هالمصخره .. سمعت انك ماتاكل هالايام .. شو الحبيب مسوي ريجيم؟
سلطان اتنهد : ااه اكل اكل ماعليك من رمست العيوز
ام سلطان: العيوز حرمتك يامسود الويه … يابويه حالك هب عايبني .. شوف ويهك.. مصفر وعيونك مسوده
سلطان: انا طالع ربعي يتريوني.. فداعت الله.. ودبر عنهم
بو سلطان : الله يحفظك .. قومي خلينا نلعب كيرم
.....
طلع سلطان وهو هب عارف وين يدق براسه
لين الحين وهو يذكر حس المجهوله ويبا يعرفها
وفجأه
يته فكره جهنميه
اتصل فربييعه
توت تو...
زايد: من وين طالعه الشمس .. سلطون متصل اكيد اليوم العيد
سلطان يضحك بدون خاطر : هه
زايد : بسم الله ..سلطون شو فيك ياريال روعتني؟
سلطان : آآه يازايد الحق خويك
زايد: شو فيك ارمس؟
سلطان : صابني ماصاب العقيلي في هوى مي وغدى تالي
زايد: له له له من متى
سلطان : من اول ألو
زايد: حالتك صعبه .. ومنو هذي ؟
سلطان : بن خليفه ييتك ادخيلي ياعريف الجد والخالي
ثيبني وافهم مراسيلي مشتجي وسع لي البالي
زايد: فالك طيب .. بس شو المطلوب مني؟
سلطان : ابا اعرف كل شي عنها
زايد : تم عطني الرقم وانا بييبلك يدها اذا تبا
..
عقب يومين طلع زايد كل فتفوته عنها
اسمها حصه ............... ي
طالبه فجامعة زايد "NG "
عمرها 19 وووو
حتى بيتهم عرف موقعه من الاعراب
طبعا سلطون شق الحلج واستانس
وكل يوم كان يخطف جدا بيتهم
" لعلي اراهم او أرى من يراهم َ "
.....
عقب اسبوع
المزهر
في صباح يوم ٍ عاصف
طلعت حصه وهي مستعيله لانها متأخره
ومن طلعت من الباب دار الهوى شامي يابوعبدالله
المهم
انفجت شيلتها وطلعت كشتها اقصد قصتها
وطارت عباتها وبينت المخوره الوصلاويه
طبعا ربيعنا سلطون كان فاج حلجه ماكان متوقعنها خسفه اقصد غاويه لهالدرجه
واتيبس الريال فمحله اتقولون حد رشه بنشا >> اختراع يستخدمونه للغتر
وطرت عباله اغنية الفنان مدحت حمد
مط قلبي من الحشى قوه
لي خطر واللبس وصلاوي
صابني العطف ومروه
ولاترفق بالذي هاوي
هييييييه والله صدقت
والاخت حصه خبر خير ماتدري بالدنيا
......
العصر
المزهر
حصه توها حادره البيت
وتسمع حشره وزعيج
استغربت
وسارت واتبعت مصدر الصوت
وتوها بتكمل خطواتها الا بحد يخطف عليها وهو مسرع وخلاها تفتر 359 فره
ويوم ردت عليها الحاسيه شافت امها واختها اللي يالسه تزاعج طالعين
ربعت وراهم وبغت اتسير لكن قالولها كلي تبن وقري فالبيت
ويلست اختنا حصه وهي تدعي انه الله ايسر على اختها وتيبلهم بنوته ويسمونها حصه >> طبعا هذي امنيتها اللي مابتتحقق
.......
سلطان ماقدر يستحمل وقرر انه يخطبها ويفك عمره من الصدعه والتفكير
ودق موتره سلف ورد من الكوفي جدا بيتهم
دخل واستغرب : اشعنه البيت مظلم ؟!
مشى خطوتين
وانصدم باللي شافه
شاف
امــه وابــوه منسدحين جدام "التي في" ويطالعون نيمو
سلطـان: حوو وين تبون انتو
ام + ابو سلطان : اشششش لاتصدعنا.
ام سلطان : اتطاول ببسي من الثلاجه
ابو سلطان : وانا ابا جلكسـي
تم سلطـان يطالعهم بخبث وضحك هيهيهي
سار سيده وجلع الوايرات من الكهرباء
ام + ابو سلطان : سلطون يالهرم .. ياجليل المذهب خلنا نكمل
سلطـان وملامحه جديه: قومو اباكم فسالفه مهمه
ام سلطان : يلا اتكلم
ابو سلطان : غرد وفكنا
سلطـان وهو يطالعهم بنص عين : انزين انته وياها .. احم ابويه اميه
ام + ابو سلطان : شو ؟!
سلطـان: انا قررت اعرس
ام سلطـان: صدق كلللللللللللللللوش
بو سلطـان: بالبركه يابويه
سلطـان والابتسامه على كبر ثمه : متى بتخطبولي ؟
ام سلطـان: هههههه مستعيل ثرك
سلطـان: هيه واااايد خبلتبي هالحصه
بو سلطـان: منو هذي حصه
سلطـان: اللي بتخطبونها لي
ام سلطـان : شو بس انته محيريلك بنت عمك
سلطان : سلامه لا لا لا حشى ماباها انا ابا حصه
بوسلطان والشرار يطلع من عينه والدخان يظهر من خشمه : شوف عاد البنت محيره لك من سنين ومابتاخذ غيرها وغير هالرمسه ماعندي فهمت
سلطـان : ابويه انا ابا حصه
بو سلطـان: ان ماخذت سلامه لا انا ابوك ولا انته ولديه
طلع سلطان وهو معصب ورضخ بالباب
ومن قوة الرضه طاحت الثريا
ام سلطـان : سلطووون يالمستخف تعال
بس للاسف سلطان قد شخط بموتره و ظهر من البيت
وتم بيتهم مشوط بسبة الثريا اللي طاحت
.........
سلطـان : ليش ياربي ليش ؟
يعني يوم حصلت الانسانه اللي احبها بيحرموني منها
وخرت دموعه اربع اربع
وبينما هو يمسح دموعه ويتمخط فقد سيطرته عالموتر
وطـــــــــاخ
دعم وطارت السياره وطاحت على بعد 15 كيلو وانجلبت 900 جلبه
واللي شافو الحادث قالو مستحيل اللي فيها يكون حي
........
المزهر
رن التيلفون
ترن ترن ترن ترن
حصه : الو ؟ ها مال التنظيم
مطر "اخوها " : اوه ام علاوي اسمحيلي بغيت ام سعيد
حصه : هه هه مايظحك ها بشر ؟
مطر: دودو دو دودو دو دودو دو دووو خخخخخ
مبروك اختج يابت مطور صغير
حصه : شوووو لا لا هب ولدها
مبدلينه هيه قالت بتيب حصه
مطر: حوو شو بعد مبدلينه .. المهم فكينا من حشرتج وهاتي اغراظها وتعالي يلسي عندها
حصه: اوكي وامك وين
مطر: امج تعبانه تقول تعالي يلسي عند اختج لين يطلعونها من العنايه وهي بتييكم العصر
حصه : العنايه !
مطر: هيه لانها تعبت شوي والحين يتريون تستقر حالتها وبيفرونها فحجره ثانيه
حصه : انزين باي
مطر: عديمة الاخلاق رقعته فويهي
......
في هذه الاثناء سحبو الشباب سلطون وركضوبه جدا المستشفى وعقوه فالعنايه
وخبرو هله
طلع الدكتور واتسابقو جداه ام + ابو سلطان + الاهل كلهم
واتروع الدكتور وجان يدقها شرده
وتم يربع وهم يربعون وراه
واتخرطفت ام سلامه وطاحت وعرقلت كم شخص والبقيه بعدهم يربعون
والدكتور يلف ويدخل فالسكيك وظيعوه العرب
لكن السوبرومان ام سلطان عرفت خطته وغمزت لبوسلطان اللي فهمها وتم يربع وراه
وسارت ام سلطان وحدتله من الصوب الثاني
1..2
ماوعى الدكتور الا بوحده مبرقعه فويهه تقوله : بوو
ظرب برييييك وصرخ وتوه بيلف الا بحد يعفد عليه ويسدحه
وهالشخص هو بوسلطان
بوسلطان : حسبي الله عليك قطعت نصخي
ام سلطان : وينه ولديه شو سويتوبه ؟
الدكتور: سبني يامجرم ..
ام سلطان : عن يقص عليك اقبضه عدل
بو سلطان : لاتحاتين .. انطق شو حل بولديه ؟
الدكتور: كح كح مافيهوش حاجه شوية رضوض بس وشرخ فرجلو اليمين وهو دلوأتي فالعنايه لحد ما تستأر حالته ونطمن عليه اكتر.. انتو روحو بيتكو وتعالو بكره
نش بوسلطان عن الدكتور واستسمح منه وخطفو هو وحرمته على ولدهم وشافو حالته
وام سلطان فجت لغبها وتمت اتصيح على وحيدها واتقول لبوسلطان كله منك
اما بوسلطان فتم متلوم وعرف انه سعادة ولده ابدى
ورجعو البيت عسب يريحون واييونه عقب
........
حصه وصلت المستشفى وشافت امها واخوها وهم ظاهرين ووصتها امها على اختها وطلعت
دخلت حصه المستشفى وسالت عن مكان العنايه ودلوها
ودخلت الاخت الحجره بليا هود و هدا
وانصدمت يوم شافت واحد فالحجره
وبلمح البصر اكتشفت انها مخربطه
حصه: السموحه
وتوها بتطلع
...: حصــه !
اصطنت حصه فمكانها ولفت جدا الشاب اليافع عالبطيء
حصه:هاا
ابتسم الشاب اليافع : انا سلطان
ويوم شافها بعدها هب عارفه شو السالفه
قال : هذا هب تيلفون موزه..انا سلطــان ^_^
حصه : انتـــه!
سلطان : هيه انا
لفت حصه وبغت تطلع
بس رد سلطان وزقرها : حصه
حصه: يس
سلطان : حصه انا انا
حصه : انته شو قول عادي لاتستحي ^_^
سلطان: اهــواك يامشعل غرامي
ياللي بحشايه حط لي حرق
حبك على الفواد نامي
حب جديد احس به فرق
وقالها مأساته من كيف حبها وعرف عنها كل شي الى الحادث وكيف اتجسح
ودقت الساعه واعلنت انها استوت 6
حصه : ! امممم انا بسير اتأخرت .. باي
سلطان : لا حصه لا
" اقتباس من سندرلا مع شوية تعديلات "
ونش وجلع الوايرات اللي ع ينبه ونزل بس للاسف اتخرطف وطاح
وصدت حصه وانصدمت من منظره
بس سلطان كمل وتم يزحف ويزحف ويزحف
وفجأه
وقف : يعني استحي عويهج وتعالي ساعديني
حصه : اوه صح .. برب
سلطان : تيت
طلعت حصه وطاح خاتمها
وردت : باك يبت حد عسب يساعدك ^_^ .. يلا انا سايره
سلطان : لا والله انزين صبري يالمستخفه ..
حصه : مابا بااااي وطلعت عنه
وخذ سلطان الخاتم وخلاه عنده
............
بوسلطان وام سلطان حدرو على ولدهم
وخبره ابوه انه بيخطبله حصه
واستانس سلطان
وضحكت الدنيا فويهه مره ثانيه
الدنيا: هههههههه
.........
ومــرت الأيام وخطب سلطان حصه وتحددت الملجه عقب اسبوعين
دبي العوير
الاثنين
عقب الخطبه بيومين
يت ام سلامه وسلامه عسب يبارجون لسلطان الهايت عالخطبه
بينما ام سلطان وام سلامه يسولفون
رن تيلفون سلامه
صبوحه خطبها نصيب اوووه خطبها نصيب >> الرنـه خخخ
وطلعت سلامه برع عسب تكلم ربيعتها
وعقب مابندت عنها تمت تتمشى فالحوي ودخل سلطان
واول ماشافته سارت جداه
وقالت : احبك لو بغيت انساك ماقدر
احبك لاتسال القلب يصبر
احبك من زمن يوم الطفوله
ويوم الوقت احلام وتصور
سلطان : مبروووك
سلامه: احلف انته بس
سلطان : والله ^_^
سلامه : الحين انا اللي محيره لك من سنة الطبعه تودرني وتربع ورى هذي
سلطان: امممممم يس
سلامه : ماعليه ياسلطون انا وراك والزمن طويل
سلطان: وااااااااايه اتروعت يلا مناك هب متفيج لج ومدي ريولج لان العين ماتعلى عن الحاجب.. اوروفوار
ورد طلع من البيت
وتمت سلامه واقفه والشرار يتطاير من عيونها وحرقت النخله >> خنيزيه
وردت حدرت داخل
ولا تشوف امها ومرت عمها يلعبن ورقه
وتمت تطالعهن لانهن ماخلوها تلعب اونها under age
ترن ترن ..ترن ترن
ام سلطان : مرحباً ام سلطان تتحدث.. ها ..هيه.. انزين يالخديه يلا باي
اميه سلامه سيري اتطاولي بوك سلطان وتيلفونه من حجرته وعطي البشكاره خلها توصلهن له برع
سلامه : انزين
رقت سلامه وحدرت خذت البوك والتيلفون
وفجأه يتها فكره ابليسيه
نبشت فالتيلفون وحصلت رقم " حصوصه الغاليه"
سيفته عندها وطرشت التيلفون والبوك جدا سلطان
.......
يوم الاحد
الساعه 9 المسا
رن تيلفون حصه وكان رقم غريب
القلب سلملك امره في حالتي انته ادرى ياللي حنانك وطيبك تنحط عاليرح يبرى >> الرنه
ردت عليه الملقوفه
حصه: الو
….: اسمعيني عدل سلطان مايباج يباني بنت عمه وانتي واقفه فدربهم شرى الطبل انجلعي وفكينا
حصه : شو عن الخرط .. ومنو انتي اصلا
….: انا سلامه بنت عمه و ما اخرط هله يبونه ياخذج بالغصب وهو يباني واتفاتن ويا ابوه وامه وسوا حادث فرجاء ابتعدي ولاتخربين حياة الصبي
حصه كانت تصيح وتصيح وماتحملت اكثر ورقعت التيلفون فويه المتصله
وتمت تصيح وتصيح وتصيح و ......... الى مالا نهايه
اليوم الثاني الصبح
دخلت ام حصه عسب توعيها وشافت حالتها
ام حصه : بسم الله شو فيج مستويه ساحره
حصه : و ل ا ش ي
ام حصه : فديتج اذا تعبانه لاتداومين اليوم ارتاحي
حصه : لا بسير عندي امتحان توفل
يلا باي
ام حصه : مع انه قلبي هب مطمن .. الله يحفظج الغاليه
….
سارت حصه الجامعه ودخلت عسب تمتحن وهيه تذكر الاتصال و ترد تصيح
وفنص الامتحان طاحت عليهم
وشلوها وربعوبها جدا الدختر
وهناك خبروهم انه من كثر الصياح
صابها
من استخبر سلطان وهو يتصلبها بس هي ماترد عليه
وهو الغبي قال اكيد تيلفونها فالبيت
……
نزل سلطان من حجرته وسار جدا الصاله
وهو نازل يسمع حس امه وهيه ترمس بالتيلفون
ومن رقعت السماعه
سلطان : هاه العيوز تكلمين منو
ام سلطان وهيه تطالعه بنص عين وابتسامة خبث على محياها: اكلم خطيبتك..
سلطان: صدق.. فخاطره " قبل شوي اتصل بها وماترد يعني هي متعمده!؟ انزين ليـــش؟"
ام سلطان: يالهرم يعني انا جذوب
سلطان: لا لا محشومه .. انزين انا بسير اشوفها
ام سلطان : صك الدعنه
سلطان: ليش ؟
ام سلطان : منقود
سلطان: افففففف
ام سلطان : طيرتنا بس انطب
..........
الساعه 11:23 المسا
دبـــي
يحوط ويهوم ويهيت فالشوارع
بلا أي goal
هذا هو حال سلطان
h
وقف مجابل الكفتريا
وتم يفكر ويفكر
ليش امم انا لازم اشوفها
بس
هل كيف اشوفها
اها يتني فكره هيهيهيهي
نزل الحبيب وخذ سندويتشات بتاخد العأل
واتوكل جدا بيتهم
بدل ثيابه ولبسله بنطلون + قميص
وحط الكاب ع طبره
ونزل
ابو سلطان كان خاطف فالصاله وشافه
بو سلطان: حو يازلمه 2 شورما وواحد ببسي
سلطان: ياخي اتمصخر عقب .. باي
...........
وصل سلطان المستشفى عقب ماقبضه 589459 رادار >>> حشى اقصاها حصوه.. طلعت عليه اغلى عن بيع السوق
نزل الزلمه واتوجه الى قسم الطواري وخلوه يخطف على اساس انه راعي المطعم ومحد شك فيه
سأل عن حجرتها و ويه جداها
طق طق طق
حصه : ؟
طق طق طق
حصه : لحظه
سارت فتحت الباب
شافت الخريطه مالت الاكل وعقب انتهبت انه في واحد لابس كاب ومنزل راسه
حصه: غلطان
وطاخ رقعت بالباب >> تتحسب بيت ابوها
طق طق طق
حصه: اففف وفتحت الباب
وقبل لا تتنصخ
رفع راسه وقالها انا هب غلطان.. انا سلطان.. جأت الآن.. من الدكان
بهتت حصه وردت على ورى
دخل سلطان ويلس >> ماخذ راحته
عقب السلام والمقدمات ابتدى الغلام يعاتب
سلطان: حصه .. ليش ماتردين عليّه وليش تكلميني بالاقساط
حصه: انا
سلطان : هيه كله انا هيه ولا.. ليش ؟ ريجي نشف من كثر ما اتكلم وانتي لابستني
حصه: باختصار نحن لازم نفترق
فز سلطان : شوووو ؟ اتخبلتي انتي
حصه وهي ماتقدر تصيح بسبت التصحر: انا عرفت السالفه كلها
سلطان : أي سالفه ومنو اللي قالها؟
حصه : سلامه بنت عمك اتصلت بي و ..... وخرت السالفه كلها
سلطان: عجيييييييييييييييييب ماعليج منها هذي اكبر خريطه فالعالم
وبعدين عيب عليج تصدقين هالرمسه فريلج
استحت حصه : يعني انته ماتبا سلامه ؟
سلطان :لا لا لا لاااااااااااااااااااا
ولاتسألين مره ثانيه ولا بزعل
حصه : اوكي يلا انجلع
سلطان: اوكي مردوده الشيخه
حصه: ههههههه
نش سلطان وقبل لا يطلع قال : انتي بيرخصونج باجر وبالخميس ملجتنا يلا بباي
.....
يوم الملجه
تمــت الملجه بحمدالله
والدبله كانت نفس الخاتم اللي خذه سلطان فالمستشفى
..........
ميلس بيت بو حصه
حصه سرحانه وهيه تلعب بايدها
سلطان : بشو تفكرين
حصه رفعت راسها وابتسمت وهيه مستحيه
سلطان : قولي قولي لاتيلسين توزعين ابتسامات شرى الخبله
حصه : مالت عليك .. كنت افكر واقول انه هالخاتم شكله هب غريب عليه!؟
سلطان " شت اتوهقت " : هههههه انتي احيدج مره قلتي انه عايبنج فخذته انا على اساس انه دبله
حصه وهي متشككه : اها
سلطان وهو يغير السالفه: متى العرس ؟ تراني مستعيل
حصه: عقب امتحان التوفل
.................
مرت الايام
وحصه كل يوم تسير السوق عسب تخلص زهبتها
وفنفس الوقت كانت تذاكر وشاده حيلها عسب تيب التوفل اللي من عشر سنوات وهيه تباه
ونجحت حصه واخيرا وفرحو الناس وتقرر اليوم الثاني اجازه رسميه احتفالا بهذه المناسبه السعيده
اما سلطان
هييييييه ياسلطان
عاد هذا استخف ماتسوى عليه حصوه
سار وفصل 23 كندوره وماخلا لون
وخذله 30 سفره
وكملها ب 12 نعال و7 جزم انما ايه من محلات بن عاقول لمتد
بس اللي قاهرنه انه حصه كانت ماتكلمه الا فالسنه احسنه اونه عسب يشتاقلها
......
ليلة الحنى
حصه تصيح وتصيح وتصيح وتصيح >>> اتشافت من التصحر ومستانسه
دخلت عفرا اللي هيه ربيعتها و بنت خالتها الروح بالروح
وفجت لغبها : حصوووووه يالخااايسه شو فيج
حصه وهي تصيح : اهىء اهىء خلاص باجر بودر هالبيت
نشت عفرا وكفخت حصه كفخه محترمه خلت راسها يورم : يالعنز روعتيني
حصه : آآآآآآآي
وتمت عفرا تسولف ويا حصه وقدرت اتغير مزاجها
واسانست حصه وارتبشت وشغلت الاغاني وقامت ترقص
........
يوم العرس
اتعدلت العروس وكانت ملاك
بس كانت تصيح وطفرت بالحرمه اللي تلوص ويها بهالصبغ
دخلت عفرا وقالتلها: شو فيج
حصه : مادري قلبي مقبوض
عفرا : عادي لانج عروس بس انتي خلج كووول
يلا انا بنزل وبييج عقب شوي
القلب سلملك امره في حالتي انته ادرى ياللي حنانك وطيبك تنحط عاليرح يبرى >> الرنه
حصه اوييه هذا سلطان
حصه : هلا سلطان
......: انا هب سلطان ..
حصه : شو؟ انته منو ووين سلطان؟
.....: انا ربيعه ..سلطان رااااااااااااح رااااااااااااح اهىء اهىء سوا حادث وماااااات
حصه : لااااااااااااااااااااااااااااااااااااااااااااااااا ااااااااااااا
ابطالنا
مات سلطان وحصه صابها جنون البقر واتخبلت
ام + ابو سلطان فقدو الروح المرحه وسولوهم حملة للحج والعمره
واهل حصه تصيبهم غصه كل ماشافو بنتهم
النهايــــــــــه
عجبتني ونقلتها لكم ههههههههه والسموحه منكم

آسفة ماقدرت اقرئها لانها كبيرة كتيير حبيبتي لما تحطي موضوع حاولي ما تخليه طويل لانو الاعضاء ما بتقرئهم اذا كان طويل جدآ ......لكن مشكورة على الجهود

انا بقترح عليك اذا بدك تنزل مواضيع طويلة نزلي عادي بس على اقسام يعني اليوم هادا تنزلي قسم من الموضوع واليوم التاني او الي بعده تنزلي القسم الاخر وهكذا.....اتمنى ان يعجبكي اقتراحي ...

وهيك بسهل علينا قراءة الموضوع وحتي بنتشوق اكتررررر على باقي الموضوع ....وهيك بكون افضل

مشكورررررررررر

مشكوره